غلاك يادنياي فوق الوصايف

غلاك عندي يابعدي مرتفع فوق

غلاك جاوز هالجبال النوايف

والشوق في قلبي وصل ذروة الشوق

ودي اعبر عن شعوري وخايف

خايف اقصر يابعد كل مخلوق

ضاعت حروفي! وش تفيد الحسايف

لاخانك التعبير ، انفاسك تضوق

عشقك يعشعش بالحشا وانت شايف

يشتاق شوقن صير القلب مشقوق

صوتك يصوت والصدى صار نايف

صوتن صرخ في داخلي صرخة البوق

لو غبتي عني ماغدا البال كايف

لكن وربي صدتك قمة الذوق
ياني احبك حب يسوى الطوايف

حبن بصدري حافظه وسط صندوق

شريت حبك , والبقيه عوايف

ولاني ببايع يالغلا بزحمة السوق

حبي مجرد من مزوح الطرايف

والعشق كنه عشق سطام للنوق

شفتك اعادة والا يابنت(لايف)

ماهو المهم البث , ماظنتي تعوق

انتي عسل منثور فوق الشفايف

وانتي وقود الروح لاعيت تسوق

وانتي معاشي عن جميع الوظايف

وبسبتك قلبي له سنين مسروق


تحياتي لكم