شعر حب حزين













ماصعب الم الفراق يبن الاحبه فهو داء القلوب المحبه فما اصعب ان تتحطم تلك القلوب

فها هنا اضع لكم اجمل قصائد الحب الحزينه امنى ان تنال اعجابكم








انتي الذوق وانتي الحسن وانتي الزين بالوانه
جيتك شايل ورده حمرا عطرها موزون
وبس عرفت لمن بتروح ذبلة حيل خجلانه
الا سبحان هالخالق امره بين كاف ونون
وهبك الحسن ويا الذوق وصرتي اول اركانه
كواكب هالسما بالليل لي من تظهري يسرون
ولو تمشين في وادي توقف ذل غدرانه



اسهرتني يا غلا والناس هجاع
النوم عني جلا يا زين الاطباع
الهم منك اعتلى والصد بك شاع
ما قلت لي وش بلا العهد منك ضاع
من بد كل الملا عيني لك تراعي
يا كامل بالحلى ما للجنا داعي
ارجع ترى لك وله من بين الاضلاع
ان جيت لي يا هلا ماني بطماع


صدقيني يا حياتي ما تمنيت الا انتي
وان عمري في حياتي ماوصلت لعشق غيرك
صدقيني لو بيدي املكك طول الحياة
عمر قلبي يوم حبك ما نوى في يوم هجرك
صدقيني وزن الدنيا بكف وانتي ياعمري بكف
كفك الغالب ياعمري وترخص الدنيا لغلاك
صدقيني انتي همي انتي عمري انتي روحي
ينجرح قلبي وقلبك مابي منه الا رضاك
صدقيني مهما اوصف لك مدى حبي واعجابي
ما اوصل معنى حبك لان روحي في رواك


يتيمة فرحتي والله يتيمة يحسدوني على فرحة يتيمة
جمعنه ياس كل الخلق فيني خفوقي ما قوى صدمة عظيمة
حبيبي والله اني فيك مغرم ونفس مالها ذمة سقيمة
حبيبي كل شيء فيني ملكته ونار الحب في جوفي ظريمة
اذا روحي لها في حبك ذنوب هلا بذنوبها لو هي ظليمة
واذا في حبك اجرام ارتكبته فانا كلي فخر باعظم جريمة

لا يا بعد كلي حياتي تساويك
اقطع وريدي وان نبض حب ثاني
ثلات فيني كلها ترتبط فيك
اعشقك.. احبك.. والهوى صار عنواني
وان كان ما تدري انا اقول واطريك
حبك ملكني في ضميري ووجداني


لو اشوفك في اي حال .. مثلك مثل غيرك
ولا ظرف اللقا يغيرني
فرقاك اصورها زوال .. وعيني ما ترى عينك
ابلقى غيرك بيسعدني
حتى ولا برسم الخيال .. تغريني بزينك
ترى خوفي الذي ابعدني
اخاف من حكي يقال .. وتصدقين محاكينك
وتغلط اكثر وتظلمني
لا واخسارة وقت الوصال .. عن غايتي وينك
شوق الحب لك سيرني
حبك ترى من القلب زال .. وامسح ذكراي بيدينك
انا كلي اسف تعذرني
منك الخطا منك الاهمال .. ضيعت مغلينك
صبري من الاسى ودعني
لك في هوى غيري مجال .. قدامك سنينك
غريب انا تصورني


واللي خلق ظلما الليالي في العيون الهاجعه
اني من الحرمان اتسائل وحرماني جواب
يوم الوداع تخيلي مالي حبيب اوادعه
محروم انا وتخيلي محروم حتى من العذاب



يا معشر العشاق بالله خبروا
اذا حل عشق بالفتى كيف يصنع
يداري هواه ثم يكتم سره
ويصبر في كل الامور ويخضع
كيف يداري والهوى قاتل الفتى
وفي كل يوم قلبه يتقطع






وصاتي لك من بعدي تموت فيها على شاني ...... ابيها تعيش وتحيا بك واضل بالذاكره مفقود

وصاتي لك تنسيها ملامح وجهي وتنساني ....... وتعزف لها قصيده حب على عزف العود

وصاتي لك تبعدها عن اشعاري وقيفاني .... تراها مغرمه بالحيل ويشهد لي عدد الردود

وصاتي لك تسايرها ترى فيها من احزاني ..... طلبتك لا يضيق بالك طلبتك والطلب مردود

وصاتي لك تناديها حياتي وعمري وازماني ..... انا عودتها دايم ادلعها وانا موجوووووود

(وصاتي لك تعاملها بطيبه قلب واحسان .... تراها تذرف الدمعه ودمعتها بليا حدود )

وصاتي لك تحفظها سور وايات قراني .... وتخبرها عن الميت رحل ولايمكن بيعوووود

وصاتي لك ترسمها على قبري و اكفاني .... ابيها لوحه تبقى على طول الزمن محدود

وصاتي لك تقهويها من دلالي وفنجاني .... ترها تعشق السمرا ويكفيها دخون العود

وصاتي لك تركبها على خيلي وعلى حصاني .... وربي فارسه من قلب شهاده ماهي لشهود

وصاتي لك تسفرها بلاد الشام ولبناني .... . ترا يحلى لها تقطف ورده من بلاد ورووود

وصاتي لك تراقصها على الحان رحباني ... ترا فيها عرق خاله وفيها من جنون السود

وصاتي لك تحببها فبونوره بعد هاني .... وتنسيها ندم غلطه انا فيها ترا المقصود

وصاتي لك تكرهها في تاريخي وعنواني ... ابيها تلعن اللحظه وتعلن كل فرح موعووود

وصاتي لك تكلمها من المجني ومن الجاني ... وتخليني انا الظالم وانا من حرق الاخدود

وصاتي لك تشبهني بدم احمر فاني .... وانا القاتل السفاح مجرم من عصر نمروود

وصاتي لك تحلفها تتوب تجدني ثاني .... ترا يكفيها ماعنت ويكفي حيلها مهدود

وصاتي لك تنسيها وصيه قالها انساني ... انا اخبرك موقف وانت قدها وقدود

صديقي مالقيت غيرك يعرف وشلون تنساني ... امانه ضمها بقلبك ترا خالد رحل ولابيعود







ولا حسيت بالفرقا ولا حسيت بالماضي
ولا دمعك نزل مره يطمن قلبي ويواسيه
وانا الي دابت اورق نسيتي الليل وشواقه
ابي اقول لك كلمه وسمعها
اهي كلمه وفهمها
اذا انت نسيت الحب نسيت الحب
انا في يوم راح انسى





اكذب عليك لو قلت بعدك شي عادي...
اضحك وانا من جور الايام مجروح...
جرح توسط في حنايا فوادي ...
وليت الجروح ضيوف يومين وتروح..
.بعثر جروحي هالزمن الرمادي...
واصعب شي على الانسان هي غربة الروح



قل لي متى تنزاح عن وجداني ؟؟؟؟؟؟؟؟
قل لي اخي يامنبع الاحسان
ومتى يكف الشوق عن اهاتهي ؟؟؟؟؟؟؟؟
والقلب ذاب من شدة الخفقان
لماذا؟لماذا؟ لماذا؟






الحزن في صونك ازعج ساكني

لين صار الكون من حولي حزين

غصب عني حزن صوتك هاجني


لين خلى عاصي المعنى يلين

وامتثل حرف القصيد وعادني


وانسكب حزنك على شعري حنين

شلت انا صوتك وحزنك شالني

اكتم الصرخه وينساب الانين

شفت حزنك كيف حزنك شافني

كيف داهم خلوتي في لحظتين

طير انا مثلك زماني ضامني

جرحتني مثلك سيوف السنين

صابك اللى من زمان صابني

في معاليق الحشا جرحه دفين

الفرح عقب الصداقه هابني

خافت البسمه على وجهي تبين

طير يا اللي صوت حزنك هاضني

الله اللي ينتصر للصابرين





اون ورياح الليالي توني

والبرد في جوفي كما الغار خاوي

ماكن لي عقل ولا قلب كني

جذع وقف في وجه الايام ذاوي

وبي عبرة محبوسة تمتحني

وفي عيني وحلقي وصدري شكاوي

وبي من قديم الوقت جرح مكني

وبي من جديد ايام وقتي مكاوي

ان قلت زانت خالف الوقت ظني

وان قلت هانت عاجلتني بلاوي

اجامل ايامي ولا جاملني

هامت بي الدنيا هيام الخلاوي

الوقت جاير والليال اسهرني

والحزن ما بين الضلوع متلاوي

اون وكل يحسب اني اغني

عليل وكل يحسب اني مداوي






لو يبور الملا ما احسب حبيبي يبور

واحسب اني اموت ... ولايموت الوفا

واحسب انه على هاك المودة ... غيور

ما احسب ان الشعاع .. اللي بقلبه طفا

كيف يانور عينى ... وانت للعين نور

يختفي نور وصلك في ظلام ... الجفا

اثر قلبك على فرقا الولايف جسور

واثر ... طرفك اليا سهرت عيوني غفا

وين هاك الونين ... اللي يشق الصدور

وين هاك الدموع ... اللي تشق الصفا

كل حي اليادارت لياليه ...يدور

كل قلب اليا ... عفت جروحه عفا

ويل قلب توالت فوق جروحه كسور

كل جرح الهوي ... ياصاحبي ماكفا

التمس لك عذر ... لو كان ما انت معذور

وان جحدت الموده بان لك ماخفا