صباح / مساء الخيرات على حبايب قلبي
شلونكم بعد العيد عساكم طيبين ان شاء الله » اخلصي علينا
المهم هذي صور من تصويري في ايام العيد سنة 2011 .. اول يوم ما كان فيه شي اصوره
ثاني يوم كنت بملاهي الحكير لاند اللي ساكن بالرياض يعرفها وطبعا ما صورتها لانه ممنوع جوالات الكاميرا بالملاهي وبما اني تركت جوالي بالبيت فما صورتها من برا


اما ثالث يوم بالعيد اجتمعنا احنا وبنات عمامي في بيتنا وطبعا ما تحلى القعده الا بالشبسات والببسي وهالخرابيط فشترينا من البقاله وهذي صورة الفلوس اللي طلبنا بها





وعاد تعرفون العيد نكون مطخطخين عيديات وحركات واخرتها عيدياتنا كلها تروح للبقاله مثل ماتشوفون بالصوره نص فلوسنا خلصناها بالبقاله واشترينا بريالات وبخمسات و عشرات واخيرا بالميه ما باقيلنا غير الخمسميه ونشتري نص البضاعه في البقاله هههه









واخيرا جات طلباتنا ما بغت تجي ..






وهنا نثرنا طلباتنا ..




هنا رتبناها ترتيب اي كلام




اما خامس يوم اللي هو يوم الخميس رحنا استراحه حنا وكل عايلتنا وكان يوم روووووووعه ومرررررررررره فله واستانسنا مررره وهذي كم صوره للاستراحه وما قدرت اصور كثير لانه كل ما بغيت اصور تمر وحده قدامي ..







وهذي الصوره لمكان المراجيح انا ما صورت المراجيح بس صورت زاويه منها لان البزران عندها واحنا بعد اخذنا نصيبنا في المراجيح حنينا لايام الطفوله هههههه





وما ننسى الرقص هذا اهم شي عند البنات وعشان نرقص جبنا لنا مسجل وطبل
وهذي صورة المسجل استخدمناه اول ماجينا وقبل ما نروح وباقي الوقت استخدمنا الطبل








وما كفانا صوت الطبل فجبنا دبة المويه وقعدنا نطبل فيه بالاضافه للطبل





وهنا بعد ما رقصنا ولعبنا كوره وحبشه والعاب كثيره جا دور الاكل وقمنا وشوينا ذره








وخلصنا من الذره ورجعنا للطق والرقص انقلبنا طقاقات من جينا واحنا نطبل ونرقص ههههههه ورقصنا راب وخليجي وهندي حتى قلدنا رقص الرجال الين ماتعبنا وصارت 11 الليل ووصل العشاء كان رز ولحم من المطعم بس ما اشتهينا العشاء واكلنا بداله شبسات وببسي












وكملنا لعبنا ورجعنا بيوتنا وبكذا خلص عيدنا ..؛